Dk. Jane Goodall Apewa tuzo kwa kutunza sokwe vizuri

Waziri wa Maliasili na Utalii, Prof. Jumanne Maghembe  Profesa Maghembe akizungumza wakati wa hafla ugawaji wa tuzo kwa Dk. Jane Goodall ambaye ametoa mchango mkubwa kwenye sekta ya uhifadhi na kubainisha tabia za sokwe ambazo watu wengi hawazijui. Profesa Maghembe aliongeza kuwa mtafiti huyo ambaye ni raia wa Uingereza amebainisha katika tafiti zake kwamba sokwe wana fikiri na wana hisia kama walivyo binadamu. Picha zote na Kajunason Blog/Cathbert Kajuna. Mkurugenzi Mkuu wa Shirika la Hifadhi za Taifa Tanzania (TANAPA), Alan Kijazi akitoa machache wakati wa hafla ya ugawaji wa tuzo kwa Dk. Jane Goodall ambaye ni muhifadhi Wanyama aina ya Sokwe aliyekuwa akifanya utafiti wa Wanyama hao kwa miaka 60. Dkt. Jane Goodall, ambaye aliyekuwa akifanya utafiti wa Wanyama aina ya Sokwe kwa miaka 60 akitoa shukrani za pekee. Wageni waalikwa waliofika kuhudhuria hafla hiyo.
Waziri wa Maliasili na Utalii, Prof. Jumanne Maghembe (kulia), akimkabidhi Tuzo ya Uhifadhi Wanyama aina ya Sokwe, Dkt. Jane Goodall, aliyekuwa akifanya utafiti wa Wanyama hao kwa miaka 60 katika hifadhi mbalimbali na baadaye kujikita katika Hifadhi ya Gombe. Dkt. Jane Goodall akikabidhiwa cheti chake cha kutambua mchango wake katika Uhifadhi Wanyama aina ya Sokwe. Waziri wa Maliasili na Utalii, Prof. Jumanne Maghembe, akimkabidhi Tuzo ya Uhifadhi Wanyama aina ya Sokwe, Dkt. Jane Goodall, aliyekuwa akifanya utafiti wa Wanyama hao kwa miaka 60 katika hifadhi mbalimbali na baadaye kujikita katika Hifadhi ya Gombe. Kushoto ni Mwenyekiti wa Bodi ya Tanapa, George Waitara na Bi. Gertude Mongella.

Waziri wa Maliasili na Utalii, Profesa Jumanne Maghembe amemtunuku Dk Jane Goodall tuzo maalumu ya kutambua mchango wake katika kuwatunza sokwe kwenye Hifadhi ya Taifa ya Gombe.
Mbali na tuzo hiyo, Profesa Maghembe, kwa niaba ya Mamlaka ya Hifadhi za Taifa (Tanapa), amemkabidhi Dk Goodall zawadi mbalimbali ikiwamo cheti cha kutambua mchango wake, sanamu ya sokwe pamoja na picha ya sokwe.
Akizungumza wakati wa hafla hiyo iliyofanyika jijini Dar es Salaam, Profesa Maghembe amesema Dk Goodall ametoa mchango mkubwa kwenye sekta ya uhifadhi kwa kubainisha tabia za sokwe ambazo watu wengi hawazijui.
Amesema mwanamke huyo ambaye ni raia wa Uingereza amebainisha katika tafiti zake kwamba sokwe wanafikiri na wana hisia kama walivyo binadamu.
Waziri Maghembe ameitaka taasisi ya Jane Goodall ambayo inafanya tafiti mbalimbali za wanyama kufundisha Watanzania hapa nchini ili waendeleze kazi kubwa aliyokuwa akiifanya.
"Dk Goodall amejenga timu ya watafiti na anatambulika duniani kote. Serikali pia tunatambua mchango wake katika uhifadhi wa sokwe, kazi ambayo ameifanya kwa muda mrefu," amesema Profesa Maghembe.
Kwa upande wake, Dk Goodall amefurahishwa na hatua iliyofikiwa na Tanapa kutambua mchango wake katika utunzaji wa sokwe, jambo ambalo anasema limempa nguvu ya kuendelea na kazi hiyo.
Dk Goodall amesema alizaliwa akiwa anapenda sana wanyama na alikuwa na ndoto ya kuja Afrika kuangalia wanyama, ndoto ambayo aliitimiza mwaka 1960.
"Nikiwa msichana mdogo, wenzangu walinicheka nilipowaambia nataka kwenda Afrika. Lakini nilipokuja na kwenda kuwasimulia kuhusu sokwe walifurahi na kuja kutembelea hifadhi mbalimbali za Tanzania," amesema Dk Goodall.
Post a Comment
Powered by Blogger.