MATANGAZO....
pamoja blogBABA

ads1

HABARI

MATUKIO

Michezo imedhaminiwa na

kachumbari

MICHEZO

Simulizi zimedhaminiwa na

SIMULIZI

JAMII

BURUDANI

UCHUMI

MAGAZETI

VIDEO ZETU

» » ABBAS: “HAKUNA MWANDISHI ATAKAYEFUKUZWA AU KUACHISHWA KAZI NA MUSWADA HUU”


Pamoja Blog 10/25/2016 11:00:00 AM 0

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Na. Immaculate Makilika – MAELEZO.

Mkurugenzi wa Idara ya Habari– MAELEZO Bw. Hassan Abbas amesema kuwa waandishi wa habari hawapaswi kuwa na wasiwasi kuhusu muswada wa huduma za habari kwa vile hakuna mwandishi wa habari atakayefukuzwa au kuachishwa kazi kwa kigezo cha kutokuwa na elimu katika ngazi ya shahada ya kwanza.

Akizungumza katika kipindi cha mahojiano cha Clouds360 kinachorushwa na kituo cha televisheni cha Clouds, Bw. Abbas amesema hakuna haja ya waandishi wa habari kuuhofia muswada huu badala yake wausome na kuelewa na kisha watoe maoni yao ili kuuboresha zaidi.

“Sheria itatoa kipindi cha miaka 5 ili watu wajiendeleze katika taaluma hii ya habari, hivyo hakuna mwandishi wa habari atakayefukuzwa au kusimamishwa kazi kwasababu ya huu muswada kwa vile lengo ni kuwaandaa waandishi ili waweze kufanya kazi vizuri kwa kuzingatia taaluma”alisema Bw. Abbas

Bw. Abbas aliongeza kuwa kigezo cha taaluma kwa wandishi wa habari hakitaainishwa katika sheria bali katika kanuni.

Aidha Bw.Abbas ameongeza kuwa katika historia ya masuala ya habari nchini huu ni muswada pekee unaolenga kulinda wanahabari kwani unazungumzia hali halisi ya mwandishi wa habari, ukilinganisha na Sheria ya Magazeti ya mwaka 1976 inayozungumzia haki ya chombo cha habari pekee.

Muswada wa huduma za habari umetokana na maoni ya wadau baada ya kuona mapungufu katika sheria ya magazeti ya mwaka 1976 ambayo ilitungwa wakati ambapo hakukua na maendeleo makubwa katika sekta ya habarinchini.

Aidha,wadau na waandishi wa habari pamoja nchini wameombwa kuendelea kutoa maoni yao kwa kutuma barua pepe kupitia anuani ya cna@bunge.go.tz ilikutoa fursa ya kuboresha muswada huo kabla ya kuwa sheria.

«
Next
Newer Post
»
Previous
Older Post

No comments