MATANGAZO....
pamoja blogBABA

ads1

HABARI

MATUKIO

Michezo imedhaminiwa na

kachumbari

MICHEZO

Simulizi zimedhaminiwa na

SIMULIZI

JAMII

BURUDANI

UCHUMI

MAGAZETI

VIDEO ZETU

» »Unlabelled » WANANCHI SASA WAHOFIA WALIOTOROKA MAPANGONI MWANZA


Pamoja Blog 6/07/2016 12:20:00 PM 0

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Siku moja baada ya kutokea mapambano ya zaidi ya saa 14 baina ya Jeshi la Polisi na watu wanaosadikiwa kuwa ni majambazi kwenye mapango ya mlima ya Utemini, wananchi wa eneo hilo wameingiwa na hofu ya usalama wao baada ya baadhi yao kuona wahalifu wakitoroka wakati wa tukio hilo.
Wananchi hao wana hofu kuwa majambazi waliotoroka wanaweza kurejea na kuwadhuru na tayari baadhi wameanza kuhama makazi yao.
Hofu ya wananchi hao imekuja baada ya polisi kupambana na watu hao usiku wa kuamkia juzi, wakitumia silaha kali zilizosababisha kizaazaa kwa wakazi wa Utemini, kutokana na milio ya risasi na mabomu.
“Tuliwaona wengine wakitoroka, kwa hiyo inawezekana kabisa wakarudi na kutudhuru kwa sababu watadhani tumewachongea kwa polisi,” alisema mmoja wa wananchi hao aliyejitambulisha kwa jina la Yeremia Mungula.
Mwenyekiti wa Mtaa wa Utemini Ibanda, kata ya Mkolani, Jukael Kiula alisema baadhi ya wananchi wanaoishi jirani na mapango hayo wameanza kuhama makazi yao wakihofia kurejea kwa majambazi hao.
“Kwa mujibu wa maelezo ya baadhi ya majirani, walikuwa wakiwaona watu wakipanda na kushuka kutoka kwenye milima yenye mapango waliyojificha watu hao. Lakini hawakuwatilia shaka wakidhani ni watu wanaopasua mawe, hadi siku polisi walipopambana na majambazi hayo,” alisema Kiula.
Mwenyekiti huyo aliiomba Serikali kuimarisha ulinzi na doria kwenye mtaa huo ili kuwahakikishia usalama wananchi.
“Hata ikibidi, askari wa Jeshi la Wananchi waweke kambi ya muda kwenye eneo hilo kudhibiti vitendo vyovyote vya uvamizi,” alisema.
Akizungumza na wakazi wa Utemini jana, mkuu wa Wilaya ya Nyamagana, Baraka Konisaga aliwahakikishia kuwa Serikali itaimarisha ulinzi kudhibiti uwezekano wa wahalifu kuendelea kutumia mapango hayo kujificha.
Konisaga ambaye alitembelea eneo la tukio jana, aliwaomba wakazi kutoa taarifa za maficho ya wahalifu pale wanapohisi kuna nyendo zinazotilia shaka.
Kamanda wa polisi wa Mwanza, Ahmed Msangi alisema kiama cha wahalifu kimefika na kwamba tayari vyombo vya dola vimebaini mitandao ya uhalifu na wahusika na itawasaka usiku na mchana.
“Hatutakuwa na msalie mtume katika mapambano dhidi ya ujambazi Mwanza. Wote wanaojihusha na ujambazi watambue kuwa yatawakuta yaliyowakuta wenzao waliojaribu kupambana na polisi,” alionya Kamanda Msangi.
Mkuu wa Mkoa, John Mongella alisema mkakati wa kuifanya Mwanzaa iwe salama umeanza na hakuna mhalifu atakayeingia Mwanza na kutoka salama.

«
Next
Newer Post
»
Previous
Older Post

No comments