MATANGAZO....
pamoja blogBABA

HABARI

MATUKIO

Michezo imedhaminiwa na

BABA

MICHEZO

Simulizi zimedhaminiwa na

kachumbari

SIMULIZI

JAMII

BURUDANI

UCHUMI

MAGAZETI

VIDEO ZETU

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Ama kweli mtu mwema ndiyo hutangulia kufa siku zote na siyo jitu baya maana yasemekana eti Mungu humuacha mtu mbaya aishi muda mrefu ili apate nafasi ya kutubu dhambi zake.

Mfano mzuri ni Nyerere na Nduli Iddi Amini, Nyerere alikufa mapema wakati Iddi Amini alizeeka kabisa. Na ndivyo ilivyokuwa kwa Peter ile risasi iligoma kutoka na mlio ukawa; “Click”.
Ilikuwa wazi kuwa kile chuma cha ile triga kilikuwa kimepiga tundu lisilokuwa na risasi, hiyo ndiyo ikawa salama yake ambayo hata Peter mwenyewe hakuamini.
“Kijana unaonekana una bahati sana. Sasa hii haitatokea tena tutakapokutana mara nyingine,” alisema Farudume akiirudisha ile bastola yake mfukoni.
“Nakupa mwezi mmoja nataka nione yote tuliyoyapanga yanatimia, hakikisha mke wa Tinonko anaitoa mimba na unamuoa!” alisema Farudume kwa ukali kiasi cha kumfanya Peter aitikie huku akitetemeka na kwa uoga sana.
Akiwa amenusurika kuuawa siku hiyo akarudi nyumbani kwa Jackline akiwa na mawazo kibao, Jackline alimtazama mpendwa wake na kumpokea kwa heshima zote, lakini kuna kitu kilionekana kumchanganya hivyo Jackline akamuachia nafasi peke yake na kuacha kumsumbua kwa lolote mpaka pale atakapokaa sawa.
Akiwa amelala kitandani ndipo Jackline akaanza kuyarudia mambo yaliyomtokea mapema siku hiyo, akahisi kuna jambo linaloendelea kutokana na vitendo vya Simba, akasimama na kukumbuka vizuri jambo.
Akafungua kabati la Kapteni Tinonko na kuchukua albamu yake na kuchambua baadhi ya picha. akagundua picha za zamani za marehemu mumewe, ndani yake akagundua picha nyingine akiwa na huyo mbwa wake.

Picha hiyo ilionekana imeandikwa mwaka 2010, ni miaka michache kabla ya yeye kukutana rasmi na Tino na kuanza uhusiano wao, na alikumbuka kuwa hata walipoanza kuishi pamoja, alimkuta mbwa huyo akiwa katika nyumba hiyo na siku zote Tinonko mwenyewe alikuwa akimhudumia vizuri na kukaa naye kwa upendo kama vile alikuwa ndugu yake.
Mara zote akiwa kwenye mazoezi asubuhi huondoka na mbwa wake huyo na kuzunguka naye hivyo mbwa huyo alikuwa ni kumbukumbu tosha, lakini sasa hayupo tena nyumbani.
Na hata hilo suala la mbwa huyo kutajwa kuwavamia hospitalini ndiyo hasa lililomtisha na kumfanya aingie hofu hasa akiwaza, alipajuaje. Wazo la pengine mbwa huyo alikuwa akimlinda kutokana na kutoa mimba lilipita kichwani lakini hakuweza kuamini mbwa anaweza akawa na akili kiasi hicho.
Akajiuliza kwanini simba alikuwa mkali sana kwa Peter na Suzy, akahisi pengine kwa sababu watu hao ni wageni, lakini sababu hiyo ilikosa nguvu mara moja alipokumbuka kipindi fulani aliposhuhudia wageni wengi wakija nyumbani hapo lakini Simba hakuwa na akiwashambulia kama hivyo.
Akiwa na maswali mengi, Jackline akarudi kitandani na kulala, Peter aliyekuwa amejilaza na mawazo alipitiwa na usingizi mzito mapema mno. Akawa kama vile anaweweseka na kuongea maneno ambayo Jackline alielewa mara moja kuwa mwenzake alikuwa akiweweseka.
Mara alimtaja Suzy mara akawa anamtaja mtu anayeitwa Farudume na la mwisho lililomshangaza Peter ni kulitaja jina la Simba huku akipiga makelele kama vile anamshambulia.
Jackline alimshtua mara moja Peter alikagutuka kutoka kwenye ndoto hiyo ya kutisha kisha akalala tena safari hii usingizi mzito.
Huko mtaani alionekana Simba akizurura huku na huko akipanda vilima na kuvuka barabara, kila mtu akishangaa mbwa mkubwa kama huyo akiwa katikati ya jiji.
Tofauti na mbwa mwingine, huyo alionekana ametokea familia yenye matunzo kutokana na usafi wake na jinsi alivyonenepa, shingoni alikuwa na kola rangi ya manjano yenye medani. 
Inasemekana mbwa siku zote huwa na uwezo mkubwa sana wa kunusa harufu, mbwa huyu alikuwa kama vile amechanganyikiwa akaongoza njia na kushika barabara ya Alhasan Mwinyi kisha mbele ya Kituo cha Polisi cha Salenda akaingia kulia na kuelekea makao makuu ya Jeshi, Ngome.
Kila alivyokuwa akikimbia aliongeza spidi kwa kuwa harufu ya Tinonko ilionekana kuwepo katika eneo hilo, mbwa huyo alipita kizingiti cha geti kinachosimamisha magari na kunyoosha moja kwa moja hadi kwenye eneo fulani kisha akasimama na kunusanusa chini.
Eneo hilo ndiyo lile ambalo Tinonko na wale wanajeshi wawili walikuwa wameuawa kwa risasi na Tinonko kupoteza fahamu, Simba akanyoosha kwa spidi hadi mwisho wa uwanja na kuelekea kwenye jengo moja lililopo mbele yake lililokuwa na ulinzi mkubwa mno.
Humo ndiyo harufu ya Tinonko ilizijaza pua zake akazunguka jengo hilo bila kuona wapi pa kuingilia asionekane. Akatikisa mkia kuashiria amethibitisha kuwa anayemtafuta yupo humo akarudi kwenye sehemu ya mlango wa umeme wa kuingilia kwenye chumba hicho na kuusukuma kwa kichwa chake mara ukafunguka kwa kuingia ndani.
Harufu ya Tinonko ikizidi maradufu.

ITAENDELEA ALHAMISI
Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.




























Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Watu wanaoaminika kuwa ni majambazi usiku huu wamevamia Benki ya CRDB iliyopo Mbande wilayani Temeke mjini hapa na kuua askari kisha kupora silaha na kutokomea kusikojulikana.
Kamanda wa Polisi Kanda Maalumu ya Dar es Salaam, Simon Sirro alipoulizwa kuhusu tukio hilo, amesema hawezi kuzungumza chochote kwa maelezo kuwa yuko eneo la tukio na amesema atafutwe kesho.
Uhalifu huo umetokea ikiwa umepita mwaka mmoja tangu kutokea kwa tukio la majambazi kuua askari wanne na kupora silaha baada ya kuvamia kituo cha Polisi Stakishari, Ukonga jijini hapa.
Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Zaidi ya watanzania 56 katika vijiji vya Chamchuzi na Buguluka vilivyoko katika kata ya Bwelanyange iliyoko wilayani Karagwe mkoani Kagera waliokuwa wakijihusisha na shughuli za uvuvi ndani ya mto Kagera na ziwa hiema wanadaiwa kutekwa na kuuawa kikatili na watu wanaodhaniwa kuwa ni askari wa nchi jirani Rwanda ambao mara kwa mara hufanya doria ndani ya mto huo na ziwa hilo.

Vitendo vya watanzania kutekwa na kuuwawa kikatili vimeshtua mkuu wa wilaya ya Karagwe Godfrey Muheruka anayelazimika kufanya ziara ya kutembelea mwalo wa Rukombe ambao hutumiwa na wananchi wa vijiji vya Chamchuzi na Buguluka na baadae kukutana na wananchi wa vijiji hivyo viwili miongoni mwao wakiwemo wajane 59 ambao wanaume wao wanasadikiwa kuuwawa, baadhi ya watanzania walionusurika kifo wenye majeraha mbalimbali ya risasi na mtanzania aliyekombolewa hivi karibuni toka nchini Rwanda ambao wametoa shuhuda mbalimbali.

Afisa mtendaji wa kata ya Bwelanyange Nicolaus Lubambala kwenye taarifa yake iliyosomwa na Godwin Mbeikya ambaye mratibu elimu kata ya Bwelanyange ameeleza kuwa matukio ya watanzania kuuwawa yamekuwa yakiongezeka kila kunapokucha, kufuatia matukio hayo mkuu wa wilaya ya Karagwe Godfrey Muheruka amepiga marufuku shughuli za uvuvi ndani ya mto Kagera na ziwa hiema hadi ufumbuzi wa tatizo hilo utakapopatikana.

Hivi karibuni watanzania 9 katika wilaya ya Kyelwa waliokuwa wakifanya shughuli za uvuvi ndani ya mto Kagera waliuwawa na watu wanaodhaniwa askari wa nchi jirani ya Rwanda hali ambayo ilimsikitisha waziri wa mambo ya ndani Mwigulu Nchemba aliyepata taarifa hiyo wakati akiwa mkoani Kagera.

Chanzo: ITV Tanzania
Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Ubalozi wa Marekani kwa Tanzania umewatahadharisha raia wa Marekani waishio nchini kuhusiana na Operesheni UKUTA iliyopangwa kufanyika septemba.

Taarifa kutoka ofisi za ubalozi huo zinaeleza kuwa kuna hofu ya maandamano hayo kudumu hata baada ya september mosi hivyo kuwataka raia wake kuwa makini na usalama wao.

Ubalozi umeeleza kuwa raia wa Marekani hawajawai kuwa wahanga wa maandamano yaliyopita ila umewataka raia wake kuwa makini juu ya usalama pamoja na kufuatilia vyombo vya habari vya ndani ili kujua kinachoendelea.

Ubalozi huo umesema ingawa maandamano yamedhamiriwa kuwa ya amani, kuna uwezekano wa kutotokea makabiliano yatakayoweza kusababisha machafuko hivyo kuwataka raia wake kuepuka maeneo yatakayokuwa na maandamano. 



**************
Security Message: Nationwide Protests Scheduled for September 1, 2016

The U.S. Embassy in Dar es Salaam alerts U.S. citizens that opposition political leaders have called for a nationwide day of protest currently scheduled for September 1, 2016, but may continue for more than one day.

While U.S. citizens have not been specifically targeted in past demonstrations, we urge you to exercise caution and stay current with media coverage of local events.

Even demonstrations intended to be peaceful can turn confrontational and escalate into violence.  Avoid areas where demonstrations are taking place and exercise caution when in the vicinity of any large gatherings, protests, or demonstrations.

For further information:
  • Contact the U.S. Embassy in Tanzania, located at 646 Old Bagamoyo Rd, Msasani, Dar es Salaam, at+255-22-229-4000 or e-mail at drsacs@state.gov, and is open Monday-Thursday, 7:30 a.m.-5:00 p.m and Friday 7:30 – 11:30 a.m. For after-hours emergencies, U.S. citizens should call +255-22-229-4000 and ask to speak with the duty officer.
  • Call 1-888-407-4747 toll-free in the United States and Canada or 1-202-501-4444 from other countries from 8:00 a.m. to 8:00 p.m. Eastern Standard Time, Monday through Friday (except U.S. federal holidays).
Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


 Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia)akisalimiana na Bw. Mauricio Ramos, Mtendaji Mkuu wa kampuni ya "Millicom Group"akiwa na ujumbe wake walipofika Ikulu Mjini Unguja kwa mazungumzo leo (kushoto) Ndg. Benoit Janin Mtendaji Mkuu wa Zantel.
Rais wa Zanzibar na Mwenyekiti wa Baraza la Mapinduzi Dk.Ali Mohamed Shein (kulia) akisalimiana na Bibi Rachel Samren Naibu Mtendaji Mkuu wa kampuni ya Millicom Group pia Mtendaji Mkuu wa Bodi ya Zantel (katikati) Bw. Mauricio Ramos, Mtendaji Mkuu wa kampuni ya "Millicom Group"(wa pili kulia) na (kushoto) Ndg. Benoit Janin Mtendaji Mkuu wa Zantel  ujumbe huo ulifika Ikulu Mjini Unguja leo kwa mazungumzo na Rais.
Rais wa Zanzibar na Mwenyekiti wa Baraza la Mapinduzi Dk. Ali Mohamed Shein akizungumza na Bw. Mauricio Ramos, Mtendaji Mkuu wa kampuni ya "Millicom Group"akiwa na ujumbe wake walipofika Ikulu Mjini Unguja kwa mazungumzo leo.
(Pivha na Ikulu)
Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Rais wa Jamhuri ya Muungano wa Tanzania Dkt. John Pombe Magufuli akipokea Hati za Utambulisho kutoka kwa Balozi wa Italia hapa nchini Roberto Mengoni Ikulu jijini Dar es Salaam.

Rais Dkt. John Pombe Magufuli akizungumza na Balozi wa Italia hapa nchini Roberto Mengoni mara baada ya kupokea Hati zake za Utambulisho Ikulu jijini Dar es Salaam.
Balozi wa Italia hapa nchini Roberto Mengoni akisaini kitabu kabla ya kuwasilisha Hati zake za Utambulisho kwa Rais Dkt. John Pombe Magufuli Ikulu jijini Dar es Salaam.
Rais wa Jamhuri ya Muungano wa Tanzania Dkt. John Pombe Magufuli akimshukuru Balozi wa Jamhuri ya Kidemokrasia ya Watu wa Korea hapa nchini Kim Yong Su mara baada ya kupokea Hati zake za Utambulisho Ikulu jijini Dar es Salaam.

Rais Dkt. John Pombe Magufuli akiagana na Balozi wa Jamhuri ya Kidemokrasia ya Watu wa Korea hapa nchini Kim Yong Su mara baada ya kupokea Hati zake za Utambulisho Ikulu jijini Dar es Salaam.
Rais Dkt. John Pombe Magufuli akisalimiana na Balozi wa Somalia hapa nchini Mohammed Hassan Abdi mara baada ya kuwasili Ikulu kwa ajili ya kuwasilisha Hati zake za Utambulisho.
Rais Dkt. John Pombe Magufuli akiagana na Balozi wa Somalia hapa nchini Mohammed Hassan Abdi mara baada ya kupokea Hati zake za Utambulisho Ikulu jijini Dar es Salaam.
Rais Dkt. John Pombe Magufuli akipokea Hati za Utambulisho kutoka kwa Balozi wa Ireland hapa nchini Paul Sherlock Ikulu jijini Dar es Salaam.
Rais Dkt. John Pombe Magufuli akimshukuru Balozi wa Ireland hapa nchini Paul Sherlock mara baada ya kupokea Hati zake za Utambulisho Ikulu jijini Dar es Salaam.
Rais Dkt. John Pombe Magufuli akijadiliana jambo na Balozi wa Ireland hapa nchini Paul Sherlock mara baada ya kupokea Hati zake za Utambulisho Ikulu jijini Dar es Salaam.
Rais Dkt. John Pombe Magufuli akimsindikiza Balozi wa Ireland hapa nchini Paul Sherlock mara baada ya kupokea Hati zake za Utambulisho Ikulu jijini Dar es Salaam. PICHA NA IKULU.
Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.




Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


Waziri wa Afya, Maendeleo ya Jamii, Jinsia, Wazee na Watoto Mhe.Ummy Mwalimu (kushoto ) akisisitiza jambo kuhusu umuhimu wa waganga Wakuu wa Hospitali za Umma kusimamia utekelezaji wa Sera na miongozo ya Afya katika  maeneo yao ya kazi.

Na Aron Msigwa - Dar es salaam. 

Serikali imesema kuwa haitamvumilia Mganga mkuu yeyote wa Hospitali ya Umma atakayebainika kuwatoza fedha wananchi walio katika kundi la watu wanaotakiwa kupata matibabu bure  wakiwemo wazee wasiojiweza, wajawazito na watoto  walio na umri chini ya miaka 5.



Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu ameyasema hayo jijini Dar es salaam kufuatia kuwepo kwa malalamiko ya baadhi ya wananchi walio katika makundi hayo katika maeneo mbalimbali kudaiwa fedha katika hospitali hizo.


Serikali hatutamvumilia Mganga Mkuu yeyote wa hospitali ya umma anayetoza fedha kwa mwanamke mjamzito, kwa mtoto mwenye umri chini ya miaka 5 na mzee asiyejiweza, hatujabadilisha Sera " Amesisitiza Mhe.Ummy.


Amesema kwa mujibu wa Sera ya Afya ya 2007 mama wajawazito, wazee wasiojiweza na watoto walio na umri chini ya miaka 5 wanatakiwa kupata matibabu bure na kusisitiza kwamba kuwatoza fedha ni kinyume cha Sera hiyo.


Amewataka Waganga Wakuu wa Mikoa ambao ndio wasimamizi wa Wakuu wa utekelezaji wa Sera na Miongozo ya Afya katika ngazi ya mikoa kutimiza kikamilifu majukumu yao kwa kushughulikia haraka kero na malalamiko ya wananchi kuhusu huduma za Afya katika maeneo yao ili wananchi waweze kufurahia huduma bora za afya.


Amesema Serikali inaendelea kuzishughulikia changamoto mbalimbali zinazoikabili sekta hiyo kwenye baadhi ya maeneo ikiwemo changamoto ya uhaba wa dawa ili kuhakikisha kuwa hospitali za umma zinakuwa na dawa za kutosha kukidhi mahitaji ya wagonjwa wanaohudumiwa.


Katika hatua nyingine Mhe. Ummy Mwalimu ameuagiza uongozi wa Taasisi ya Mifupa (MOI) na Hospitali ya Taifa ya Muhimbili kusitisha mara moja vitendo vya baadhi ya madaktari wa hospitali hizo kuwaandikia wagonjwa kwenda kufanyiwa uchunguzi wa vipimo katika hospitali binafsi.


 Kuanzia sasa MOI wasimamishe kupeleka wagonjwa kwenda kupima MRI katika hospitali binafsi, pale itakapotokea na tukajua na kujiridhisha kuwa MRI ya Muhimbili imekufa na haifanyi kazi wataruhusiwa kufanya hivyo


Amesisitiza kuwa kitendo cha madaktari hao kuwaandikia wagonjwa kwenda kupima vipimo vya MRI nje ni kuhujumu na kuzikosesha mapato hospitali hizo.

Ndugu wasomaji wetu tunaomba support yenu kwa kutangaza nasi hapa kwenye hii blog kwa bei nafuu ili tuweze kuendelea kutoa habari bila tatizo lolote. Wasiliana nasi kupitia namba +255713363965 / +255755274953. Tunashukuru kwa ushirikiano wenu.


 Waziri wa Mambo ya Ndani ya Nchi, Mwigulu Nchemba(kushoto), akimsikiliza Balozi wa China nchini Tanzania Dkt. Lu Youqing (katikati), wakati wa mazungumzo juu ya  masuala ya ushirikiano katika sekta ya ulinzi na  usalama kati ya Tanzania na China, Kulia ni Msaidizi wa Balozi, Wang Fang. Mazungumzo hayo yalifanyika leo, jijini Dar es Salaam.
 Waziri wa Mambo ya Ndani ya Nchi, Mwigulu Nchemba(katikati), akiangalia vipengele mbalimbali vinavyohusu ushirikiano juu ya masuala ya ulinzi na usalama, wakati wa mazungumzo yaliyomhusisha Balozi wa China nchini Tanzania, Dkt. Lu Youqing(kulia). Kushoto ni Mwakilishi Mkazi wa Jamhuri ya Watu wa China, Lin Zhiyong. Mazungumzo hayo yalifanyika leo, jijini Dar es Salaam.
 Mwakilishi Mkazi wa Jamhuri ya Watu wa China, Lin Zhiyong(kulia), Msaidizi wa Balozi wa China nchini Tanzania, AI Zhuan(katikati) na Katibu wa Balozi, Dong Zhenyu(kushoto), wakimsikiliza Waziri wa Mambo ya Ndani ya Nchi, Mwigulu Nchemba(hayupo pichani), wakati wa mazungumzo juu ya  masuala ya ushirikiano katika sekta ya ulinzi na  usalama kati ya Tanzania na China. Mazungumzo hayo yalifanyika leo, jijini Dar es Salaam.
 Waziri wa Mambo ya Ndani ya Nchi, Mwigulu Nchemba(katikati), akiagana na Mwakilishi Mkazi wa Jamhuri ya Watu wa China, Lin Zhiyong, mara baada ya kumaliza mazungumzo juu ya  masuala ya ushirikiano katika sekta ya ulinzi na  usalama kati ya Tanzania na China. Kulia ni Balozi wa China nchini Tanzania, Dkt. Lu Youqing. Mazungumzo hayo yalifanyika leo, jijini Dar es Salaam. (Picha zote na Wizara ya Mambo ya Ndani ya Nchi)
Waziri wa Mambo ya Ndani ya Nchi, Mwigulu Nchemba(kushoto), akiwa katika picha ya pamoja na Balozi wa China nchini Tanzania, Dkt. Lu Youqing, mara baada ya kumaliza mazungumzo juu ya  masuala ya ushirikiano katika sekta ya ulinzi na  usalama kati ya Tanzania na China. Mazungumzo hayo yalifanyika leo, jijini Dar es Salaam.

IMEANDALIWA NA KITENGO CHA MAWASILIANO SERIKALINI-WIZARA YA MAMBO YA NDANI YA NCHI